الساعه الخامسة عصراً .. والشمس رائـعة بخجلها بين السحب .. لم يكن الجو حاراً بكل كان معتدلاً ومع ذالك لامــانع من وجود بعض الهواء البارد ..
جلست على ذالك الكرسي المغطى بالجلد الاسود ووضعت حقيبتها السوداء المصنوعه من الجلد ايضاً على فخذيها قامت الدكتوره بتقليب مجموعة من الاوراق يضمها ملف ابيض اللون . وبعدما انتهت ابتسمت بكل برود وقالت أهلاً يا.. خطفت نظره للملف بسرعة ثم أكملت يا.. مضاوي ! واجهة الطبيبه المصريه صعوبه في نطق هذا الاسم ثم قالت: مضاوي إسم جميل ايه معناه ؟!
قالت مضاوي : معناه من النور يعني الضي يعني .. بالضبط تصدقين ما ادري ..!! .. رفعت مضاوي الحجاب الاسـود الذي كانت تلف به خصل شـعرها الذهبية اللون لم تكن ذهبية اللون بالاصل انما هو بتأثير بعض من المواد الكيميائيه !
نثرت مضاوي شعرها بيديها ثم نظرت الى الطبيبه القابعه خلف مكتب خشبي نوعاً ماء يضم صـوره لفتاة صغيره وصورة اخرى لعائله يبدو انها الطبيبه وابنتها وزوجها !
قالت مضاوي : الحلوه هذي بنتك !؟
ردت الطبيبه : دي ايوا دي سمر ! بنتي
ابتسمت مضاوي وقالت : ربي يخليها لك .. قمر ربي يحرسـها !!
وجدت الطبيبه ان هذا مدخل رائـع ثم قالت : انا شوفت في الكشف انك متزوجه انتِ عندك أولاد ؟
قالت : ايوا محمد .. وياسر !!
قالت الطبيبه: ماشاء الله ربي يخليهم لك !
هدوء لـ ثاواني يعم المكــان ..نوع من الصمت الغير مرحب به .. تقوم الطبيبه من مكانها ثم تقف مضـاوي ..
تطلب الطبيبه من مضـاوي أن تأتي معها هناك في تلك الزاويه سرير ابيض بجانبه كرسي ! جلست الطبيبه على ذالك الكرسي .. ثم مسحت بيدها على ذالك الغطاء الابيض
ثم طلبت من مضاوي أن تأتي لترتاح هنا
وقفت مضـاوي بجانب ذالك السرير ثم نزعت ذالك المعطف الاسود المقارب للعبائه لايمكن أن اقول أنه عبائه .. ثم نزلت من قدميها صندل اسود يلف قدمها البيضـاء !!
في البدايه جلست على طرف ذالك السرير فقط ثم قالت للطبيبه : والله احس اني بفلم مو مصدقه,, ثم ضحكت بخجل !
قالت الطبيبه : الامر طبيعي والافلام كثير تمثل الواقع ! انتِ اكثر الافلام الي تشدك ايه ؟!
تنفست مضاوي بعمق ثم نظرت الى الطبيبه وقالت هذا من ضمن الجلسه !!
قالت الطبيبه : لا مجرد كلام !!
قالت مضاوي : عادي اي فلم ما احب احصر نفسي بأفلام معينه بس مع احترامي للسينما المصريه ما احب اتابعها !
قالت الطبيبه : ليه الافلام المصريه حلوهـ وتجسد واقعنا كـ عرب أكثر من الغير !
قالت مضاوي بتهكم : عرب !! يمكن تمثل واقع مصـر ؟! بس !
قالت الطبيبه : تقريباً احنا كـ عرب بتنفق على اشياء كثير !!
ضحكت مضـاوي وقالت : لا بنختلف في اشياء كثير !!!!!!!!!!!
هنا على جو الحوار صـوت غريب لم يكن موجود من قبل .... إرتفع صـوت محمد عبده يقول :
اضوي وامسي ضحكتك يامضاوي وامد لك في ليلة العمر يمناني ..
تحركت الطبيبه لتجلب الحقيبه لـ مضاوي وكان يبدو على الطبيبه نوع من الانزعاج !! أخذت مضاوي الجوال واغلقته وقالت اسفه هذا زوجي ياسر .. قالت الطبيبه :كان رديتي عليه !!!!!!!
مضاوي : لا خلاص كلها ساعتين واشوفه .. الطبيبه تقاطع كلام مضـاوي : ياسر !! انتِ ابنك أو زوجك ياسر !!!
قالت مضاوي بإرتباك .. لا اقصد عبدالله شكل العيال أخذين تفكيري شفتي شـلون .. لم يفت إرتباك مضاوي على الطبيبه ثم قالت تحملين لـ ياسر صوه ! قلبت مضاوي بجوالها سريعاً
لتمده لـ الطبيبه وهي تبتسم وتقول هذا الشقي ياسر !! قبلت الشاشه ثم مدته اليها إستأذنت الطبيبه مضاوي في أن تقلب جوالها لترى الصور..هزت راسها بالايجاب ثم أسندت بجسمها على السرير !! بعد ثواني قالت الطبيبه : كل الصـور لـ ياسر اذكر انك قلتي أن لديكِ ابن أخر؟؟ قالت مضاوي نعم محمد !!
قالت : كم عمره ؟
مضاوي : سبع سنوات .. تسمعين محمد عبده؟
الطبيبه: لا مش كثير بس بعرف الاماكن ؟؟
مضاوي : محمد عبده له اغنيه تقول .. الله يمسيك بالخير قولي وش علومك ؟؟ من مده ماجاني خبر أيش سـوى معاك السفر !! وأنت في اي ارض الله تعيش .. ماودعت عيني الفرقى من يوم فرقاك
الله يجيبك بالسلامه وتسلم لي .. هناك غاب صـوت مضاوي قليلاً وتغيرت نبرته .. ثم هربت دمعة بسيطه بين عينيها .. وابتسمت
الطبيبه : ياسلااام كل ده لـ عبدالله !!
مضاوي : تضحك بإستخفاف نعم عبدالله .. الا ايش أكثر اغنيه تعجبك لـ .. اي اغنيه ؟!
جلست الطبيبه بوضـع تكون مقابله لـ مضاوي ثم قالت تسمعين لـ أم كلثوم ؟!
مضاوي : انااسمع كل شـي ؟؟!
الطبيبه : الاغنيه الي تقول .. انساك دا كلام انساك ياسلام ... اهودا الي مش ممكن أبداً ولا افكر فيه ابداً ..
مضاوي: ياليت ننســى .. دا مستحيل قلبي يميل ويحب يوم غيرك ابداً ابداً .. دكتوره هناء .. النسيان نعمه أحسن ننسـى ..
هناء: تحبي تنسي ايه؟؟
مضاوي : كل شي كل شي كل شي قالتها وكل مره تختلف وتيرة صوتها ..
هناء: مضاوي .. طيب ايه اكتر حاجه تحبي تنسيها ؟؟
مضـاوي: أنا ؟ ايوا انا من أكــون ؟ وليه جيت ؟ وليه صـاروا وليه صرت ؟؟
هنــاء: من الي صــاروا ؟؟
مضاوي: هُم وصــاروا هَـم.. تعرفين الفرق بينهم ؟؟ انا اقول لكــ ... هم .. زحمة وناس وعالم وأجناس وأنا والهم .. سيرة غم .. نكد غربة الم .. آآهـ من الام والآآهـ
هناء: ايه اكثر حاجه بتألمك؟؟
تجلس مضـاوي على اسرير وبسرعه تحل أزرار قميصـها الابيض ثم تنظر الى الطبيبه وتأشـر بيدها اليمنى نحو موضــع القلب وتقول هذا !! شفتي هذا !! هذا البلا كله هذا الي السبب الي خلاني اجي هنا هذا السبب الي حرمني من العيشه الحلوه والهنا !! تدرين ودي أطلعه من جوفي واحرقــه أو اقول لك أقطعه أبهذله اذوقه كل أنواع العذاب ومايطاوعني وأخليه .. شفتي كيف اختار فيه !!
هناء: هدي يامضـاوي وقولي كل الي تحسينه موجود هناك تكلمي صدقيني بترتاحي
مضاوي: اقول ايه والا ايه اهو فيه شـي ينقال !!
هناء : قولي الي تحسين انه مشكلــه ايش أكبر مشـكله تواجهينها في حياتك !!
مضـاوي : قلت لك أني أنا .. أو لا مو أني أنا بغير الفكره وأقول أني أنا من خلقني الله أنثى صـرت مرسـى للعنــاء تفهميني يادكتوره هنا !!
هناء : بفهمك بس لو تكلمتي أكثر بفهمك أكثر ..
مضاوي : تدرين .. ثم تضحك مضـاوي وتكمل .. تدرين أكبر مشكله لي أني بنت سعوديه عفواً قصدي أمرأءه سـعويه !!
هناء : وفين المشكله هنا ؟!
مضـاوي : كل النــاس تتكلم عنا تناقش امورنا وحنــا ساكتين وبعد ضحكه .. تصدقين هالشـي واقع بس مو كثير لما جبت ولدي محمد أبوه سماه من غير مايشاورني وهو واعدني بأسميه على عمي الي مــات وعدته كان ماعنده لا عيال ولابنات ! مدري وش طرى هالسالفه على بالي ..
هناء : هو ليه سـماه محمد !
مضـاوي : يمكن على ابوه أو ولد أخوه أو ولد أخوه أو ولد عمه !! عـاده جرت بس !
هناء : وياســر !؟
مضـاوي : وش فيه يــاسر .. !!
هناء: من الي سمــاه ؟
مضــاوي : أنا ..
هناء : على اسم عمك .. ؟
مضــاوي : لالا!! تضحك بخبث .. مو على عمي الله يرحمه .. بس كنت مقهوره وبنتقم ..
هناء :تنتقمين ! كيف ؟وليه ؟
مضاوي : سميته على اسم حبي وقلبي وروحي .. لان زوجي مايستاهلني ولاقدرني !!
تنظر هناء الى مضـاوي بنظرات تحثها على متابعة كلامها !! تتنهد مضـاوي ثم تلم خصـلات شـعرها وترمي بنفسها على السرير وتقول :
اليوم بقول لك سـر خطير كان في حياتي محد قدر يعرفه !! كان يـاسر ! تصدقين كنت احبه واعشقه بس ماقدرت اتزوجه ! عشان كذا قلت لك تو بالغلط ياسر
هناء: ليه .؟!
مضاوي: ادري بتقولين خان ماعنده امان ! بقول لك أنا خنت بس انجبرت !! تصدقين .. تزوجت عبدالله من غير حب ولا اقتناع !! بس عشـان مايقولو عنست .. وعشـاني مستحيل اتزوج ياسر وكنت ابغاه ييأس مني
ويتزوج !! ابغاه يعيش حياته .. بعت روحي وبعت قلبي وخسـرته حياته وخسرت حياتي .. ادري اني غبيه !!
هنـاء: طيب ايه الي كان يمنع الزواج اذا كلكم تحبو بعض وعندكم أستعداد للزواج !!
مضـاوي: ماكان قد المقام !! لايروح بالك بعيد ولد أصل وفصل .. ثم تستدرك الموضوع وتقول يعني أبن عيله .. اصل في بلدي عندنا نظام القبائل والقبيلي ماياخذ الا القبيليه .. هو كان ابن عيله وقبيله ومعروفه بس كان .. موظف بسيط على قد حاله !! وما أقنع ابوي وعياله !!
هناء: طيب باباك بيعرف أنك بتحبيه !!
مضـاويبعد ضحكه هسيريه !! : يعرف ؟! لو يعرف ماشفتيني هنا قدامك الحين .. مو قلت لك فيه إختلاف بيننا يالعرب !
هناء: لا مافيش كثير .. حتى عندنا عوايل كثير محافظين ..
مضاوي: بس بنت السعوديه غير .. تصدقين لو يعرفون اني هنا وش بيصير !! بتصير قضيه وبتعرض على القنوات الاخباريه بس لاني سعوديه !!
تكمل مضاوي : لاتستغربين من جد اتكلم .. كل المحطات المصريه واللبنانيه بشكل عام العربيه اتحدى اذا ماتلاقي موضوع عننا .. بالمناسبه أنتِ تعرفي ليه البنت عندنا ماتقدر تسوق سياره !!
هناء: اتوقع يعني عشان عادات وتقاليد وحاجات زي كذا
تجلس مضاوي وتضحك بهستسريه : لا عشان تركب مع السايق ورا وتصير شخصيه مهمه وتضحك مره ثانيه وسط اندهاش الطبيبه التي لاتعي ماتقول .. وتكمل: فيه ناس عندنا يقولو ان احسن شي المرأه ماتسوق عشان تركب ورى زي الشخصيات المهمــه بجد سخافه .. ولهذا السبب تعقدت ما اركب مع زوجي عشان ما اركب قدام تكمل بضحكتها التي تنقطع عندما تضع رأسها على السرير وتقول
انا مع الي يقولون أن فيه خطر ع البنت أو الي يقولون زحمة .. بس تصدقين .. والا اقول لك مو هذا موضوعنــا
هناء: طيب ايش موضوعنــا ؟
مضاوي: ما ادري كنت اقول لك عن ياسر صح ؟
هناء : صح تحبي تتكلمين عنه ؟؟
مضاوي: فيها شي لو اقول اشتقت له .. فيها شي مو بيدي .. بتقولي أنتِ متزوجه بقول لك ماخنت زوجي !! بس اشتقت له .. تختم كلامها بدندنه خفيفه لاغنيه محمد عبده.. اقرب الناس..أنت يانظر عيني وابعد الناس انت وأنت في عيني .. منك أحلى محبه عاشها قلبي ومنك جرح الهوا ياماتلاعبي .. اقرب الناس انت وابعد الناس انت .. تبتسم بيأس ..
هناء: كلام جميل ... تقاطعها مضاوي:اغنيه لـ محمد عبده لازم تسمعين له بس على الله تفهمين .. ايوا تذكرت له اغنيه بعد... ابعتذر ... عن كل شيء ...
إلا الهوى .. ما للهوى عندي عذر ..ابعتذر .. عن أي شي .. إلا الجراح .. ما للجراح إلا الصبر .. برضوا اغنيه لمحمدعبده ...
هناء: طيب ماحاولتِ تنسين ياسر بعد الزواج من عبدالله ؟
مضاوي : حاولت حاولت حاولت .. قلت لك قلبي مو بيدي ... بس صدقيني ماخنت !! مافكرت أني ارجع له رغم اشتياقي مو عشـان زوجي عشـان ابوي !!
هناء: وايه دخل ابوك بالموضوع ؟
مضـاوي : ابوي راس مالي .. سمعتي من سمعته !! ما ابي انزل راسه عند الرجال لو بسويها سويتها قبل يوم اني بنت مراهقه ماينشره علي !!
هناء: طيب وعبدالله انسـان كويس؟
مضاوي: مااذكر أنه زعلني لان مافيه شـي بيني وبينه حملت بمحمد بعد شهرين من الزواج وبعدها خلاص صـارت حياتي روتينه ممله !! هو شغله واهله وربعه .. وانا عيالي وبيتي وكنت ادرس !! بس الحين ؟
هناء: ليه دراستك خلصتي أو ايه !
مضاوي: ايوا حصلت على البكالوريوس .. وبس وجلست بالبيت رغم أن طموحي أكبر من كذا كنت اتمنى أني أكمل وأخذ الماجستير .. بس ماقدرت
هناء: ايه الي معنك !!
مضاوي : ما اقدر اروح بعثه !! تصدقين ؟!
هناء: ليه يعني انتِ ماتقدري مادياً أو ماتقدري لان درجاتك مش كويسه ؟!
مضاوي: اخ لاتقهريني .. كلها متوفره لي المشكـله بالعقول الي عندي .زوجي يقول كافي البكالوريوس مطلوب والماجستير دلع !! وكمل جريمته وقتل كل أحلامي وأخواني كل واحد مرتبط بزوجته وبيته وأبوي تجارته !!
هناء: وزوجك ليه رفض ؟
مضـاوي: اسباب كثير وأهمها يقول هناك أختلاط !! ويقول مستحيل يترك شـغله يعني ويجي معاي !!
هناء : عذراً بس ما اعرفش النظام أنتو عندكم الست ماتسافرش الا براجل ؟
مضاوي : لا عادي اقدر اسـافر بس لازم موافقه ولي ألامر .. بس مشكله رافضين فكرت أني اروح وأسافر لحـالي كـأنوا اول مره اسافر فيها لـ حالي ... تضحك مضاوي بإندهاش وتندهش الطبيبه مع هذه الضحكه المفأجأه
وتكمل مضـاوي .. تخيلي الصيف الي راح .. سافرت أنا وعيالي محمد وياسر مع أخت زوجي وبناتها الي بالمتوسط لحالنا شـهرين في فرنسا أقصد اوربا !! هههههه مجتمع غريب !! ورجعنا ومحد أنتقدنا أو شـي
هناء: يعني زوجك سمح لك تسـافرين ؟!
مضـاوي: ايوا سمح والا كيف اسافر !! وكثير يسوون زيي تسـافر مع عيالها .. تضحك مضـاوي تصدقين دكتوره .. اول مره انتبه اني سافرت بدونه للسياحه عادي بس للدراسـه لا !
المشكــله انه يقول مو عندي المشــكله الناس وش بتقول تارك زوجته تدرس برى وهو هنا صعب !! بس للسياحه الناس ماتقول شـي وهذا الواقع !! ااه ذبحونا النــاس !
هناء: اها طبيعي اصل كل مجتمع وله طبيعته الخاصه .. ولازم نراعي الناس بالقدر المعقول
مضاوي : ايوا بالقدر المعقول .. بس مو أني اهدم بيتي وحياتي عشـان الناس !! يعني تصدقين ... مره كنت عند أهلي زعلانه وطالبه الطلاق وأمي تعرف اني ما احبه وتعرف ان بقلبي غيره بس حاولت تقنعني بالعكس
تدرين ليه ؟؟ لانها تقول ما ابي الناس يقولون أنك تطلقتي !! شفتي كيف الناس تتحكم بحياتنا !!
هناء: وأنتِ كنتِ زعلانه ليه ؟
تجلس مضاوي في وسط السرير بعد أن جمعت قدميها اليها وكانها في وضعيت الجنين ثم بدأت تهتز وتبكي !! كررت الطبيبه السـؤال !! ثم قـالت :الموضوع كبير لهذه الدرجــه !! ماتقدري تتكلمي فيه ؟
مضاوي : تذكرين لماقلت لك أبوي احبه وما ابي انزل راســه !! ابوي هدم حياتي .. تدخل مضـاوي بحالة بكـاء هستيريه !! تحاول الدكتوره أن تهدئها وبنفس الوقت تحاول أن تحثها على الكلام تقول مضـاوي
تعرفين لما تشوفين الدنيا كذا كلها قدام عيونك تنهار لما تحسين ان الارض الي تحتك أنخسفت !! وراحت باطن الارض لما تشوفين السماء لونها حمراء والمطر دم !! لما تشوفين الحمام غراب !! لما ..
تدرين متى تحسين بكل هذا .. لما تكتشفين أنك تعيشين بوهم !! بـ هم !! أبوي تدرين الشيخ الكبير .. تدرين .. صعب صعب !! ابوي دمر حياتي .. كله بسبب انه تبع نفسه هواء !!
تتلعثم الدكتوره وتحاول أن تستوعب الوضــع !!
مضاوي : بصوت يخرج بين انين الدموع !! لايروح بالك بعيد دكتوره !! لايروح بالك بعيد أبوي كان راعي علاقات بس !!
هناء: تقصدين بيعرف بنات؟؟ وأنتِ كيف عرفتي ؟
مضاوي: لاتستغربين كيف عرفت .. حظي .. عرفت لماقريت كل شـي في جواله الي نسـاه لما راح يصلي ..
ابي افهم مو الصلاة تنهى عن الفحشـاء والمنكر ليه يصلي ليه !! لا يصلي بس مو يصلي من هنا ويدور له معصيه من هنا !صعب يعني شـيخ ورجال كبير ومعروف بين الناس وكذا صعب صعب !! ماقدرت اتحمل أنهرت وماقدرت اتكلم لمين أقول لامي !! انا افهم شـعور الخيانه ما ابي اجرحها وأخواني ما ابي اهز صـورت ابوي بعيونه
صـرت اشوف الرجال كلهم خونه !! كلهم مجموعه ناس حقيره ماهما ألا تشبع رغباتها وبس !! مايهما اي شـي ..
صرت اشك بأي شـي يعني تعبت زياده على اني ما احبه ما اغار لا أشك !!
تصدقين .. فرق بين الشك والغيره .. كنت اغار على ياسر وللحين اغار ؟
هناء: تغارين ؟؟ الان؟؟
مضاوي : آآخ يتقطع قلبي اذا فكرت انه متزوج وعنده عيال ههه تدري اتخيله متزوج وعنده بنت ومسميها مضاوي هه مسميها علي واعدني هو بس تتوقعين زوجته توافق ؟
هنا: ياسر متزوج الان؟؟
مضاوي: ما ادري انقطعت اخباره .. ودي متزوج وسعيد ومبسوط بحياته .. وبنفس الوقت مابي احد ثاني غيري يكون له .. تعبت دكتوره تعبت أبي أرتــاح .. اقول لك شــي ؟!
هناء: خوذي راحتك قولي سـرك ببير !
مضـاوي: على طاري البير أنا شـربت بير ..
هناء: بير !! !!
مضـاوي بخجل : ايه بير زي ماينطقونها !! بير هنا بمصر وعندنا نقول خمر أو ندلعها بأسماء ثانيه بس هي بير .. أدري حرام ومايجوز !! بس هزمني الشيطان وطعته !!
هناء: طيب أنتِ بتعرفي أنها حرام استسلمتي ليه ؟؟ ايه السبب !!
مضـاوي : يمكن يروح بالك أني حصلتها عند زوجي وأخذت اشرب انتقام أو يمكن يروح بالك أني شفته يخونني وسويت كذا !! لا .. القهر اني بدبي شفت زوج صديقتي مع بنات !! مجموعة من البنات الرخصيات
وما احتملت وانهرت وسويت الي سويته بس تصدقين ندمت كثير على الي سويته .. ورحت من دبي لـ مكه ! وجلست ادعي ان ربي يغفر لي لاني غبيه استغربت ليه يشربون ما استفدت !! بس دكتوره اكتشتف
ليه الناس تسافر وأخر شـي تروح مكه .. تكفر عن خطاياه .. غريبين صـح نشوف الخطـاء ونعرف انه خطـاء ونسويه !! دكتوره ترا بجد تعبت برتاح خلاص ..
هناء: كل البشر تخطي حنا بشر مش ملائكه .. مافيها شـي بس لازم نرجع عن الخطـاء مانستمر ..
تمسك الطبيبه بجسم بيد مضـاوي وتلم يدها الاخرى حول جسمها وبهدوء تحاول أن تنزلها من السرير ولكن مضاوي تختار أن ترتاح قليلاً .. تنهض الدكتوره الى مكتبها الخشبي وفي طريقها تقف عند النافذه
ثم تقول لـ مضاوي تحبين الغروب ..؟!
مضـاوي : دكتوره ! شوفي ..
تلتفت الدكتوره وتشـاهد مضاوي قد رفعت كم قميصـها للاعلى .. وتمد يدها اليمنى .. أقتربت الطبيبه الى مضـاوي وأمسكت بيدها وتفحصتها وبدى لها الجرح واضح !!
قالت هناء : أنتِ عملتي كذا ليه ؟!
مضاوي: لاني مليت بس تصدقين خفت .. الموت يخوف أنا أجبن من أني أنتحر ...
هناء: وطيب ايه الي خلاك تفكري في كذا ..
مضاوي: كل الي قلت لك فووق والي ماقلته كثير .. المشكله ماكل مايعرف يقال ..
تقف مضـاوي وتلبس عبايتها وتلف شـعرها بجحابها الاسـود .. وتبتسم وتودع الطبيبه لتخرج الى المجتمع وكأن شـيئاً لم يكن !!